دموع ام الشهيد / شعر : منصور حسن عاشور
ابنى الشهيد زى ملاك
شايفاك بعينى
واقف هناك
والجنة متزينة
ومستنياك
شايفة ملايكة فاردة
دراعاتها فرحانة بيك
وبتناديك والكون
بيغنى من حواليك
وانا من كل قلبى
باقول الله بجد عليك
دافعت عن ارضك
حميت عرضك
ودفعت التمن روحك
ما فكرتش ولو
لحظة تتردد
ما فكرتش حتى فى جروحك
كان كل همك انك ترد
عنها كيد الاعادى
وقولت بروحى وبدمى
افديكى يا بلادى
افديكى بنفسى
وبروحى وافديكى بولادى
سامعاك بتقوللى يا امى
ارجعى اياكى يا امى تدمعى
واطمنى واياكى يا امى تتالمى
او حتى يوم تتوجعى
لان انهاردة انا نولت الشهادة
وكانت الجنة موضعي
وكانت الجنة موضعي
إرسال التعليق
يجب أنت تكون مسجل الدخول لتضيف تعليقاً.