جه رصاص الغدر قتلني / شعر : آية سرحان
رايح أصلي عشان أبني وأعلي
جه رصاص الغدر قتلني
سكت صوتي
وسط صلاتي
لابس يا ما أنا لبس جديد
عاوز أشوف الكل سعيد
أنا وصحابي حسين ووليد
أنا عارف أن الجمعة دا عيد
ورجعت يا ما في كفني شهيد
سرقوا مني طفولتي وشبابي
مين هيرجع بس حياتي
بس أشوفهم قتلى بعديا
وأنا في جنتي والنعيم حواليا
وهم في النار قدام عنيا
أقفي يا أمي
شديدة في عزايا
بدل الأسود ألبسي وردي
أرقصي يا ما زقططي غني
ايوه أمال
من ميت وأنا رافع أيدي لمولايا
وروحي وجسمي متوضيين
بقرأ قرآن رب العالمين
بس أشوفهم برضو والعين فيها
دا حقي وعمري ما عديها
إرسال التعليق
يجب أنت تكون مسجل الدخول لتضيف تعليقاً.