جربت تبقى قصيده | شعر.. ناصر محسب
جربت تبقى قصيده
جربت انك تبقى نقطة ضوء ؟
تتخبى زي الحرف من بين الشقوق وتمر زي مجاز
جربت تبقى قصيده
ورهنت آخر دمعتين
من غير سند
سبت الورق للورق ينحاز
وكل شيئ ف الحقيقه كان عَدَّد
اللي اتفرد بالحزن مش هيكش
فقول : مدد يا كل وش قزاز راهن دمعته
الحلم مين ثبته
خلاه ف لحظه اتبخر
والحزن ليه هَكَّر ضِحِكِته الصفرا
عايش كأن النظره رصاصه ومؤامره
واللي باقي من ذنوب العشق فِيِّك
الليل يبيعك للسهر ودموعه دايما تشتهيك
ف هتعمل اِيه لِيِك القصيده لما تصبح مبهمه
هِيّه الحبيبه
ولا هِيّه المُجِرِمه
ضَيِك بِعِيد يا لحظه لسه مِعَتِمَه
المعنى مرمي ع الطريق لكنه مش مقصود
والحروف فوق السطور مستسلمه
