وداع نجم / شعر : شوقية كامل .. المنيا
وداع نجم
**************
راح حبيبك يابهيه
وانتهت كل الحكايه
المشاكسه والمشاغبه
والعناد حتي النهايه
كان بيتمني يشوفك
وانتي فتحاله كفوفك
وانتي مرتاحه وعفيه
مش هفيه ..
كان بيتمني يروح
لما تتحسن ظروفك
بس يوم مكتوب
ولازما يرضي بيه
وانتي عايشه
تكبري وتهنني
وفي النهايه تودعيه
ياما قالك يا بهيه
عيشت فيكي
زي ماتمنيت اكون
رغم ماشاف من عذاب
ف احلى ايام الشباب
وحلمه تاه جوه السجون
ورغم عمره اللي قضاه
كان قادر يخلي حرفه طلق نار
كان قادر يفرش عيونك بالخضار
بس غصب عنه سابك
وانتي محتاجه لحروفه
زي ما عاشلك زمان
ف عز قوته وشوفه
هداكي قلبه
وموت خوفه
وزي ماعشقك غناوي
انتي ياما اديتيه
قلوب كتير عشقت كلامه
بس يوم مكتوب
ولازما يرضي بيه
شوقيه كامل
المنيا
إرسال التعليق
يجب أنت تكون مسجل الدخول لتضيف تعليقاً.