واحبك وقت تتجنى.. شعر: أحمد عامر.. المنصورة

وساعات الوحده
تكون حلوة
عشان أحلم بأوصافك
وأجمع أحلى يوم ذكرى
وانا نايم على كتافك
وإنتى تطبطبى تضمى
واحس إنى ب أطرافك
وقلبك وقت ماينبض
بحس الدقه أطوافك
ياطيف الحب والمعنى
وأجمل ذكرى تجمعنا
وانا باصص على عيونك
وكتر العشق يدمعنا
ولو مت انا عاشقك
وعاشق كل أعرافك
بحبك وقت ماتحنى
واحبك وقت ماتغنى
واحبك وقت تتجنى
وتخفى عنى ألطافك
واحبك وقت تتقمصى
وشايله الهم فوق راسك
وابص بعينك الحلوة
فتبتسمى
وأضحك تحت إشرافك
وتنسى كل شىء غمك
وأصرخ وانتى ولا هامك
وقاعده تشمرى بكمك
تلمى كل أصدافك
ترصى الصدفه ع الصدفه
وفجأه تيجى بالصدفه
تقولى ده صدف قلبى
وقلبى ده سبب غلبى
بحب كل أوصافك
ياواد قولى بحبك ليه
عملت أيه بأصدافك
وأتبسم يبان عشقى
واحسك نقطه من دمى
وأسأل إيه يامجنونه
دلقتى الهم على كمى
تقولى وحشنى
من صباح الله
واحشنى والوكيل الله
وحشنى كل أوصافك
تعا مدد هنا جنبى
وإحضنى
عشان أشبع من الطافك
يابنت الإيه
يامجنونه وجنانى
وخبزانى وعجنانى
بحبك أد كل الكون
وحتى الكون
يتوه لو يبقى طوافك

***

قد يهمك أيضا

حلاوة بسيمه .. شعر : فتحي نجم .. المنصورة

تَنَمُّر الرويبضه… شعر: شوكت البطوش/ الاردن

اول كتاب عن صبايا العنب للشاعر محمد عبد القوي حسن “تموت الصبايا ويحيا العنب”