موسوعة شعراء العرب الشعبيين / الشاعر : عوض الله عبدالرحمن ابوشيبة

عوض الله عبدالرحمن ابوشيبة
من السودان أمدرمان ود نوباوي
المراحل التعليمية الأولية ثم الابتدائية و الثانوي ثم جامعة النيلين كلية التجارة إدارة أعمال
الموطن الأصلي قرية الجبلاب غرب مدينة شندي
اعمل في المملكة العربية السعودية جدة منذ 1998م و حتي الآن
شاعر غنائي لي ديوان شعر بعنوان حنين الغربة و الديوان الثاني في القريب العاجل بعنوان نسمة شوق و لي كذلك عدد كبير من الأعمال الغنائية في مكتبة القنوات الفضائية و الازاعات السودانية و تعاملت مع عدد كبير من الفنانين والفنانات في السودان ولي عمل مع الفنانة المصرية سوزان طلعت من إنتاج رابطة عزف الأقلام العربية
……………………………….
شعر عامية
?خـــاطرك معـــاك?

ما تندهش ..
خاطرك معاك
جر النفس و اكتم هواك
بين الضلوع
وأصل طريقك في السراب
و أقفل وراك باب الرجوع
ما تندهش ..
أنا زول صريح دائماً معاك
ما ممكن ابداً أدس عليك
و أعيش برااااااااي رأضي و قنوع
ما اصلو كان سبب العذاب
كلام كتير مليان غنا و حسرة و دموع
قالوه ناس قيس من زماااااااااااان
ما تندهش …
قلبي رادك و إصطفاك دون البشر
وأداك مكانة نفيسة أغلي من الدرر
و مشيت معاك في سكة الأمل العدم
لكن قليبك لي خان باعني و غدر
نسي الغرام البينا كان رغم العشم
ما تندهش ..
انا لسه في جواي وهم
مل الخضوع و الإنكسار
في نار هواك … الإ القدر
نسمة هواي طفت الشموع
وبكت مع الليل الحزين نص النهار
ما تندهش … خاطرك معاك
الشاعر / عوض الله عبدالرحمن ابوشيبة