موسوعة شعراء العاميه بمصر / الشاعر وليد المصرى

الشاعر فى سطور
الأسم / وليد السيد حسين عطوة والشهرة شاعر الثوره/ وليد المصرى
ولد فى 20/6/1978 بقرية سرابيوم بمركز فايد محافظة الأسماعيلية
شاعر الثورة بميدان التحرير
مدير الصفحه الثقافيه بجريدة الجمهوريه الآنعضو جمعية مبدعى مصر
عضو رابطة الزجالين وكتاب الأغانى
عضو نادى أدب قصر ثقافة الإسماعيلية
مشرف لجنة الأدب بساقيه غنيم للتنوير
سكرتير عام لجنة الشباب بحزب الوفد بفايد
عضو رابطة اقلام بلا قيود
عضو رابطة لألىء القناة الأدبية
له خمس دواوين (احلام الفتى الثائر_مين حبها قدى_بين الماضى والحاضر_مربعات المصرى_ حروف الجر) قبل وبعد ثورتى 25 يناير و30 يونيو تحت الطبع
حصل على كأس شاعر الميدان من رابطة فنانى مصر بميدان التحرير
فاز بالمراكز الأولى فى العديد من المسابقات على مستوى مصر والوطن العربى وتم تكريمه كشاعر الثوره بمهرجان الاسكندريه والعديد من المهرجانات
شارك فى العديد من المؤتمرات والملتقيات الثقافية
نشر له العديد من الأعمال بالصحف والجرائد القومية
أذيع له الكثير من الأعمال بالفضائيات والإذاعة والتليفزيون
عمل كشاعر غنائى وله بعض الأعمال الفنية والغنائية
شارك بجميع المظاهرات منذ ثورة 25 يناير 2011 حتى ثورة 30يونيو 2013
للتواصل مع الشاعر / 01003616991

 

 

دواير حياه (12)

دواير تلف فى دواير

نبدئها بحياه

والبشر ساير وداير

فى كل اتجاه

تايهين فى دوامه

وسط بحر كبير

تاخدنا الموجه وتجيبنا

وبنعافر فى لقمة عيش

وحلم العمر بيسبنا

ومحلمناش نكون دراويش

بنتشعلق وطوقنا نجاه

نشيل الهم ف قلوبنا

وقولة آه

ونستحمل جراح وآلام

يفور الدم فى عروقنا

نفوق على الأوهام

خيوط بدايه ونهايه

وطريق مخيف

فساد بيهزم جوانا

الطيب والضعيف

توابيت ودافنه كل يوم

وإذاعه تعلن موت الشريف

متغربين جوه الوطن

وبندعى فى الملكوت

نصرخ مهما نصرخ

محدش بيسمع صوت

دايرين نحارب فى المحن

وسابقنا قطر الموت

والجته دابت م العفن

والروح بتنسحب فى سكوت

عيونا تبكى بدموع

فى شريط لماضى وذكريات

كوابيس تلازم فى العقول

وتغير المسارات

وبين الحياه والموت

تاهت المسافات

(13)

أحزان بتسكن فى البيوت

وقلوبنا مليانه بآهات

عزف الكمان ع الجرح

وداس بالحزن ع الاوتار

فى ليل طويل دندن فى لحنى

الصبر طال م الإنتظار

طلع النهار والضهر محنى

تحت الشجر فى العصارى

صرخ الناى لأوجاعى

وان يوم الشعر فرحنى

هقوله مافيش داعى

صوت القلب كلمنى

وجهز حفل لوداعى

خلاص حبيبتى ماتحلميش

جرحك فيا علمنى

أرجوكى سيبينى ماتعنديش

وتموتى الحب اللى باقى

إدينى فرصه إنى اعيش

أو تكتبى شهادة وفاتى

 

 

 

 

 

اترك تعليقاً