مبدعو مصر
يسري حنفي محمد
مواليد القاهرة 1961/12/31
القاهرة حي الخليفة الامام الشافعي
موظف بالعاشر من رمضان
عضو اتحاد كتاب مصر
ونادي ادب قصر ثقافة منشاة ناصر
ودار الادباء
وتقريبا اتواصل مع كل نوادي الادب بالقاهرة والجيزة
لى دواوين .
فانتازيا.
.صرخة خلاص..
آخر براويز.
.اشمعنى انا… .
وسجلت للاذعة والتليفزيون..
شكراً شهيد الملحمة..,
( ……………….
شكراً قوي . شكراً كتيييييير
عمري ما ها نسى لك جمِيل
هافضل اقولها وبيها اطير
يا اللي انتَ دمك كان جميل
صورتك شالوها من الميدان
وشالوا أصحابك كمان
عايزنا قال ننسى اللي كان
ونعود ورا من غير دليل
صورتك في قلبي منوراه
تديني احساس بالحياه
والساعة دي رغم انها
واقفة . بتشهد جُرأتك
والسبحة لما اتفرفتت
قابلها اسفلت الشوارع بالقُبل
أما الموبايل ريحته منك
لسه بتفوح للجميع
مِسك وعَبير
وحتى نضارتك كمااان
اتكسرت وش ودرووع
ولسه فيها نظرتك
ما رضيتش ليه لحظة رجوع ؟
ما جريتش زي كتير جروا ؟
او حتى يعني أتجرجروا
لحد تكسير الضلوع
والسحل والخنق الكبير
هل كنت ناوي يا جدع ؟!!
على ثورة بالحق وحقيق
أمك بتحلف انها ديماً معاك
تيجي وترجع حسا انفاسك هواك
وحياة سنين المرُ قولي عامل ايه ؟
وحياة سنين القهر جاوب مرة ليه ؟
ما اخدتنيش وياك يا شيخ
أصرخ واهيل وأشيل تراب جوا القلوب
عاش من سنين
اما احنا لسانا ف طابور
لسه الوعود وخدا لها دور
خلتنا ننسى بعضنا
ونيسنا كلمات السماح
وارتفع صوت النواح
واللى حاضر واللي راح
أصبح مثييييييييييييييييييييييير
ورغم ده ..اسمح لي اقو لك ياشهيد
شكراً قوي
شكراً كتييييييييييييييييييييييييير
ياللي انت دمك كان ضمير
رجعنا تاني يا شهيييييييييد
نعيش معاك الملحمة
ونشكرك حق وحقيق شكراً كتييييير