موسوعة شعراء العاميه المصرية / الشاعر : الامير اباظه

ناقد سينمائي مصري،
شاعر
امين صندوق اتحاد كتاب مصر
رئيس شعبة العاميه سابق بالاتحاد
رئيس مجلس ادارة جمعية كتاب ونقاد السينما
رئيس مهرجان الاسكندريه السينمائى
عضو مؤسس بالمجلس المصرى للشعر العامى
عضو مجلس ادارة جمعية مبدعى مصر
من مواليد محافظة الشرقية،

تخرج من كلية اللغة العربية بجامعة الأزهر عام 1984،
شارك في الكتابة في الصحافة والنقد في العديد من الصحف و المجلات المصرية والعربية.

احذرك
من حب حبي اللي ضاع
من قلب قلبي اللي باع
أحذرك
من يوم أفضل .الوداع
عن اني أعيش لحظة معاك
في ضل حيطة أو مكان
أو حتي يجمعنا زمان
من عند قلبي والأسية
بعد اللي راح .واللي كان
قلبي الحنين غيره
حيرتي معاك
حبي اللي كان ضيعه
هجرك هناك
من يوم مارحت تودعه
أيه ضيعه؟
غير غدر قلبك
للي كان
بيني وبينك من زمان
أحذرك
من كتر خوفي
كان عليك
انك تقدر اللي كان
والا الزمان غيرك
بدل الشوق بالأسية
وحب قلبك كان سراب
كل المشاعر القديمة
كانت عذاب
آ ه م الغرام . لما يدوب
ف عنًد قلبين التقو
علي المحبة والغرام
جمع ما بينهم الهيام
حنين وشوق
ودنيا تانية ف الفضا
فوق السحاب
بنيت قصور .. وهدمتها
وجنة تانية بين ايديك
كنت اسهر اتكلم عليك
مع نفسي والكون والصحاب
ما خدت منك غير عذاب
وحيرة صعبة ف الغياب
أحذرك
قول بس انته .. كنت فين ؟
هاجر سايبنا . لمين وفين ؟
وكام قلوب دوبتها
وعيون بريئة جرحتها
أحذرك
من غدر قلبك . والزمان
من حلم ضايع .مهما كان
من قلب بايع
م اللي كان
أحذرك
مهما تبرر اللي كان
أوكان يغرك الزمان
أو يقسي قلبك .
عا اللي كان
بيني وبينك من زمان
يا حلم ضايع مهما كان
أحذرك
من قال وقلنا م الكلام
المر منه .واللي كان
من غدر ناصح
مهما كان

احذرك

يشرفنا زيارتكم واعجابكم بصفحتنا على الفيس اضغط هنا للاعجاب بصفحة مبدعو مصر