موسوعة شعراء العامية بمصر / الشاعر : محمد يوسف حامد

* سيرة ذاتية*
الأسم/ محمد يوسف حامد
الأسم الأدبى / محمد حامد
تاريخ الميلاد / 2/7/1969 مدينة أدفو / محافظة أسوان
المؤهل الدراسى / معهد ثانوى فنى
عضو عامل بنادى أدب ادفو من العام 2003
تم اعتمادى محاضر مركزى العام 2017
الاصدارات/
ديوان * خايف أرد الباب * نشر اقليمى فرع أسوان قصور الثقافة 2012
ديوان * ما تكتبيش على قبرى شاعر* مركز عماد قطرى للابداع 2017
المجلات التى نشرت له / الثقافة الجديده/ أقلام أسوانيه/ مجلة الشعر / مجلة أخر ساعة/ الصحف التى نشرت له/ العربى الناصرى / أخبار الأدب/ المساء/ الأنباء/ أخبار الصعيد/ منبر التحرير/ روز اليوسف/ الرسالة/ أسوان / الأنباء الاسوانية/ صوت أسوان /أسوان الحديثة/ الاسبوع الغربى برامج اذاعية/—- شعراء من بلدنا / نبتدى منين الحكايه اذيعت قصيدته لم الشراع بصوت الاعلامى يوسف عبد العزيز فى برنامج المجلة الثقافيه باذاعه جنوب الصعيد برامج تلفزيونيه– ابداعات جنوبية/ ملاحم شعبية
شارك فى مؤتمر أدباء مصر عام 2005 المنعقد فى بور سعيد
مؤتمر وسط وجنوب الصعيد الثقافى 2012 المنعقد فى قنا
مؤتمر جنوب الصعيد 2016
التكريمات/
كرمه مهرجان رابطه الادباء والشعراء الثقافيه فى محافظة المنيا عام 2012 برئاسه المبدع ا/ عبد الحافظ متولى
شهادات تقدير/
من صالون الرحاله العربى عبد المجيد فرغلى بقاعه رامتان متحف طه حسين بالجيزة درع مؤسه الحسينى الثقافية لشعر العاميه مركز أول
درع مهرجان القوصيه مركز تانى فى شعر العامية
له تحت الطبع/
*أحزان للبيع *ديوان عامية
*لسه ما خلص الكلام * ديوان عامية
سبع سنابل * ديوان عامية

ناقش اعماله / الناقد ا /مسعود شومان الناقد ا/ عبد الجواد خفاجى الناقد د/ جمال عطا القاص والناقد ا/ أحمد الليثى الشرونى / د سيد دنقلاوى الناقد ا/ أسامه عبد الشكور القوصى ونشرت دراسه ا/ اسامه فى مجله الشعر عدد شتاء الماضى 2015 ت/ 01144002294
—————
نص قلب
————–
محمد يوسف حامد
———–
عشمان فى ايه
و انت بتنحت ف الفراغ
الحلم ان زاغ ف الدموع
ما تكملوش
أصحى و كمل دمعتك
يمكن تلاقى جدار أسى
بايديك تهده
و تبنى مكانه فنار طويل
يمكن يجيب مركب مسافر
لساه بيبحث عن وطن
أخده الطوفان
عشمان فى ايه
و انت الزمان هدك بجد
ولا لاقى حد يبشرك بالموت
و لا لاقى ضحكة تونسك
ساعة غياب نفسك
و توهتك عن الابدان
عشمان فى ايه
و دمعك بيمسح دمعتك
لما تلاقى ف سكتك
يافطة عليها قلب واحد
و أنت اللى عايش نص قلب
لو كنت كلب
كان عشت صامد
كان عشت بتهوهو و بس
قدام جماعى الرفق بالحيوان
————
محمد يوسف حامد

اترك تعليقاً