مبدعو مصر
نيفين الطويل
شاعرة عامية وفنانه تشكيلية
خريجه كليه الفنون الجميلة
عضو جمعية مبدى مصر الادبيه
ومصممة ازياء
وصاحبه صالون قعدة اصحاب الثقافى
واحد مديرى صالون التجمع الثقافى بالمنصوره
……………………………………
العجوز والبحر
للشاعره نيفين الطويل
أنا العجوز يابحر
وانت الولى
والعمر صاحب خلى
وخريطتى مقلوبه
عصف القدر بالريح
نزعتنى من مأملى
شايل شباكى فى الشبك طوبه
فطلعت باكى والدموع توبه
والبحر ريحه حلى /
والسمكه معطوبه
انا العجوز يابحر وانت الولى
والنص صحبه ماتولى
نص الحكايه صدق
والنص وسط النص متألف
ازاى تعضعض ف السمك روحى
وانا اللى شارى من زراقك وطن يابحر ومكلف
وازاى تعضعض روحى سمكاتك
وتزق قلبى زق لفاتك
طاح الشراع بالامل وللا الامل فاتك
الدفه متمرده وللا هى مغلوبه
وللا الهدف مقتلى ا
نا العجوز يابحر وانت الولى
وسط النبوءه حقيقه مغلوطه
حوريتك غنت / وبجد مبسوطه
فاكرانى استاهل تجرجر دفتى
شايفانى قال فاهم وعارف سكتى
والمشكله ان الشط متخفى
خرج السمك م الشبك وخرجت متشفى
لو بس تتكرمى ياشمس وتشفى
والبوصله قالت غرب والقرب زى البعد فى التوهه
لوبس شاورت شرق
كان الفرق خلّى القرب حسبوها
خلّوا الوجع متاريس مابين القلب
وراحة القلب حطوها
جرجرت مجدافى شقى
والبحر كان دافى
مش فاكر الوقت انما شيلته على كتافى
بصة امل للسما والرمل لوّحنى
رميت حمولى هنا وفضلت انا محنى
اتارينى عارى كما ولدونى فى الدني
ا وبدون وطن واقف على الرمال حافى
وشبكتى متعقده والخلق نترونى
والظاهر ان العدا كالعاده نظرونى
ابكى دموعى فدا واسجد هنا وفرحه
وللا البكا ع المدى حجر مداد عينى
حوّل دموعى مطر /
كل اما اقوم اتعتر وانفاسى مسحوبه
ياروحى همى بقى / فكى الشبك .. شهلى
انا اللى ماشى صدف بإراده مسلوبه
حدف اله البحر خطافه عشان اله خايب
/ مافى بشر شافه
قال ايه هيبعد فى القروش
عنى شفت الوحوش فى الوشوش
ومفيش قروش خافوا
دعيت لربى انا وفتحت ف شباكى
لقيت بواقى عطن وبواقى اسماكى
مين اللى قال الوطن ينفع يكون انتى
وانتى اللى هاده القلب وسط البحر وياكى
ماتحن مره بقى ع القلب وتميلى
انا العجوز يابحر وانت الولى
_________________
اعداد
محمد عبد القوى حسن
mobd3o.com@gmail.com
يشرفنا زيارتكم واعجابكم بصفحتنا على الفيس اضغط هنا للاعجاب بصفحة مبدعى مصر