موسوعة شعراء العامية المصرية / الشاعر : ابراهيم رضوان

الشاعر : ابراهيم رضوان

ولد بمدينة المنصوره

حاصل على بكالريوس معهد الإعداد الإذاعي ـ اليونسكو.
يعمل باحثاً بالمركز القومي للآداب والفنون.
يكتب الشعر بالعامية والفصحى, ونشرت أعماله في معظم الدول العربية. كما قدم للتلفزيون عدداً من الأغاني, وقد تحولت أغنية: (مدد مدد, شدي حيلك يا بلد) إلى مسرحية, وفازت بأكثر من جائزة عربية, كما مثل مصر في أكثر من مهرجان شعري.
كتب عشرات البرامج الإذاعية والمسرحيات والأفلام والتمثيليات الإذاعية, وساهم في إعداد البرامج الثقافية بالتلفزيون.
دواوينه الشعرية: الدنيا هي المشنقة 1968 ـ أنا والليل 1971 ـ الجنازة 1972 ـ السبرسجي وآلة التسجيل (مسرحيات شعرية) 1970 .
حصل على جائزة أحسن كاتب أغانٍ عن العالم الثالث من اليونسكو, وجائزة أحسن أغنية عربية من ليبيا 1973 , وجائزة أحسن برنامج إذاعي

رئيس مؤتمر شعر العاميه المصريه الذى اقيم باتحاد كتاب مصر ونظمة المجلس المصرى للشعر العامى تحت عنوان ( العامية جلابية مصر ).

…………………………………………
جزء من قصيدة ( الجوايز ) من ديوان مــــوت المـــلكـ ( الهيئة العامة للكتابـ )
أمنع دموعى م النزول
يتحجر الشجن اللى كان مخزون .. ما بين ضلعين شقا
هيكل فى نص الليل يقول :
” أكلُوا البلح .. أكلُوا النقا ”
أهرب فى لحظه من سلوك المشنقه
واوصل لحيث الراحه فى الوجه اللى كان مليون وجع
كل اللى باقى فى جيبى أصبح ( مُرتجع )
واما طوفان الموت فى وادى سكون رِجع
عاد المغنى العالى للحاره القديمه ..
دخل بحبك تانى جوه الحنجره
كتروا فى لحظه عليه ( كلاب القاهره )
مع إنى كنت الباب عشانهم فى دخول المملكه
مع إنى كنت الحامى ليهم من شطوط اللكلكه
والباقى ع العهد القديم واللى بكى ..
على قبر كان مدفون غلط
مع إنى حولت الزلط .. لحرير .. وأهديته لزلط
يا اللى انتى خليتى المصدِّى واللى باكى بحرقه ..
ع الكلب اللى ضايع منه تانى يِعزفك
تحذفنى أشباه الديول من مُصحفك
أنا أعرفك عنهم ودايما اقول كلام بيشرفك
وبينصفك لو غول نطق
حطيتى ليه ديل الكلاب النجسه تحت الباط ..
وخبيتى الحليب عنى .. وشيلتى الصوره م البرواز ..
وقولتى بلاش تلامس أو تهامُس أو غُنا
ومنعتى قلبى يدق تانى فوق فروع السوسنه
مع إن كل حروفى خارجه م الضلوع متلحنه
فبقيت أنا .. إنسان غريب عنى أنا
وبقيت مغنى بدون ربابه أو دراع
فرحوا الرعاع الجُرب ..
لما شافونى خارج من ديارك منحنى
جَارِرْ دوباره مشنقه
أمنع دموعى م النزول
يتحجر الشجن اللى كان مخزون ما بين ضلعين شقا

 

_________________
اعداد
محمد عبد القوى حسن
mobd3o.com@gmail.com

 

يشرفنا زيارتكم واعجابكم بصفحتنا على الفيس اضغط هنا للاعجاب بصفحة مبدعو مصر

اترك تعليقاً