مراية القلب.. شعر: نادية عبد المحسن
وان قالوا عليك ناسيني
أنا هسأل نِن عيني
والحرف ال ف ملامحي
والفرح ال ف سنيني
ورصيف يشهد ويحكي
عن دمعك وقت فُرقه
عن خطوه مفارقه ضلك
والحلم اللي فاضلك
عدى بيرمي السلام
ومراية القلب صاحيه
بتعيد نفس الكلام
وان قالوا ده غاب وبايع
هرد سبوني وحدي
ده عبيره ف كل شارع
خلى الأحلام تِعدي
تحضن إسمي ف عِنِيِه
وتسيب لي ضي لِيِّه
مهما الأحزان بتاخده
أنا برضه لسه فِيِّه
نادية ٤ يوليو
