مبدعو مصر
ننشر قصيدة للشاعر محمد عبد القوى حسن، عضو اتحاد كتاب مصر، وتحمل القصيدة عنوان ” أنا وطه “، مهداء إلى عميد الأدب العربي طه حسين.
وتقول القصيدة …..
انا وطـــــه
وسنين الشوق تقربنـــــــا
وعمر من الامانى يطــــول
بتجمعنا السكـــــــك تانى
ياطــه حسين مع الارغول
وناى من شهد احــــلامنا
ينادينى واغنى واقـــــــول
انا وطه فى منيتنــــــــــــا
ومنيتنا تاريخها مهــــــــول
تعالى من زمـــــان صافى
وخش لدرب كلـــــه اصول
ووحد مجد اوصــــــــــافى
لعهــد الفهــــد والاسطول
وندا قلبك مع الايـــــــــــام
ياخــــدنى لهامش السيره
ودعا الكروان مـــــلان انغام
حديث الاربعــــــــــــاء يجينا
ويرجع تانى يرسينــــــــــــا
الفتنه الكبرى ياعثمــــــــان
لعلـــى وبنـــــوه يودينـــــــا
وللمعذبون فــــــــى الارض
هناك فى عزبة الكيلـــــــــو
وانا فــــى ثانوى بالف وادور
واخــــد م الـــــــدرب واديله
ولما بقيت ولد شاعـــــــــــر
فــى ليـــل الغـــــربه اغنيله
ياشارع فـــــى مغاغه طويل
ومليان شهــــــــد زرع وخير
بيبدا مــــــــــن شريط القطر
ويخلص عنــــــــد اول الطراد
وانا معتــــــــــــــــــاد اوديله
قصايدى فى نص ليل البعــد
ومهجــــــــــــــة قلب منديله
وسوق فى مغاغه كل خميس
وبيت ثقافتنا فى الخضــــــره
بلدنا بحســـــــــــــك العامره
كتبنا بنهجك القــــــــــــــادره
تاريخنــــــا يابن عـــم النـــــور
بينزل فـــــــــــى الجبل مطره
ترخ الارض تحييهـــــــــــــــــــا
تطلع منهـــــــــــــــــــا اغانيها
وانا اجيلك بامانيــــــــــــــــــها
واخدك يابن عم الشــــــــــوق
لحنة ف كف اراضيهــــــــــــــــا
وزفه فــــــى عــــرس نواصيها
وحواريهــــــــــــــــــــــــــــــــــا
وقراها نجوعهــــــــــا ودموعها
سهـــــــرها وجوعها وشموعها
عمدها شيوخها شواشيهـــــا
بلدنا بكـــــــــــــــــــــــل مافيها
بتطلع كــــــل يوم الصبـــــــــــح
بتغسل وش امانيهـــــــــــــــــا
على ناصيـــــــــــــــــــة كتاباتك
وعطفـــــــــــــــــة مجــد رواياتك
واشعر شعــــــــــــــــــر انا ليها
ومنهــــا وفيهــــا اديهــــــــــــــا
نعـــود من تانـــــى كــــــده ليها
انا وطه وسنين الشـــــــــــــوق
تقربنا
وتكتبنا
السنين فيها
وتوهبنا الحروف الشوف
تشيلنا الغاليه فى عنيها
تشيلنا الغاليه فى عنيها