مبدعو مصر
مبنفرَّحشي سنة جايه
ولا بنزعل على اللي تمر
تملي نُجرّ ف الساقيه
ونشرب من عسلهم مر
ليالي كلها شاتيه
نهارها لهيب وشوقها حر
سمانا الغيمه ملياها
وأرضنا رملها مكدّرْ
وحتى الورده مش طارحه
وكل نسيمها متعكر
رياء والضحكه مش صافيه
وراها حقد طارح شر
نفوس بطيبتنا مش راضيه
بنوهبها ورود تنكر وتلدغنا
بنياب حيه تعض أيدينا مش تشكر
وتاكل لحمنا نيه وتفرح لما نتعكر
دعيت ف صلاتى يهديهم
ويلهم قلبى رحمه و صبر ..