لكنها مش ليك / شعر : محمد عبد القوى حسن

لكنها مش ليك
شعر: محمد عبد القوى حسن


===========
الحته دى فرده
والفرده دى مكنه
والمكنه دى جته
والجته دى هده
والهده دى مش ليك
والقعده دى صدفه
والصدفه مش حرفه
والحرقه متضامنه
فارده القلوع حواليك
على اخر الناصيه
عنيها كات راسيه
على مصطبة امانيك
وانت الشجر طايح
فى نافوخك السايح
بكره مع امبارح
نيلك يخش عاليك
والغربه هاتوديك
يمكن على كوبرى
او حتى ع الكورنيش
يمكن تقوم دوغرى
تلقى الحكايه مفيش
غير الشارع فاضى
والبرد مش عاطى
حاضر ولا ماضى
ولا اى شىء فى باطى
ترجع لبلكونه
طاله على غناويك
متبعتره الضحكه
كل الببان ساكه
مش فاتحه م امبارح
غيرشى على الحته
ياسلام دى كات جته
فرده ومش بارده
كانت اكيد ماده
خطاويها عند ماضيك

اترك تعليقاً