مبدعو مصر
العبور …
شعر كابتن غزالي
عبروا الرجال ..السمر
مجاديف الأنتصار
جولك ياسينا
بعد شوقه يخلصوكي
م التتار
جولك علي جسور
من عضاهم
ينقشوا بكره الحنين
من دماهم
رفعوا علمك يابلادي
قمره في عز النهار
…
عاشوا الرجال ..السمر
جيش الفلاحين
تسلموا يا جنود بلادي
ع الأعادي منصورين
تسلموا يا زند مصر وفخرها
مصر فيكم طالعه تتحدي
السنين
شايله بكره من دماكم
جي ضي وبسمه خضره
في كل دار
….
تسلموا يا نسور بلادي
في السما زي الرعود
تسلموا فوق السفاين
زي موج الضي
بيشق السدود
تسلموا ع الأرض
يا أشجع أسود
شدوا بكره من ناب الديابه
غيروا يوم الغلابه
بأنتصار