قصيدة باللهجة الجزائرية بعنوان ” أجي ياولد امي ” .. للشاعرة فريال بن غالية
قصيدة باللهجة الجزائرية بعنوان ” أجي ياولد امي ” .. للشاعرة فريال بن غالية
ما نقدر نعيش وحداني
انا لي قلبي بلاني
روح يالغالي عيش حياتك ، نساني
نجي نهدر وخلاص ينطق بإسمك لساني
نرجع ونقول
ياشمسي وينك ضويلي ليالي
ماتسالي عليا ، على لي بغاك سالي
زهري مدفون
طريقي معفون
مكتوب على الجبين فالي
مازلت عاشق مازالني
مازلت نية طاب جناني
يقولك اضحك للدنيا تضحكلك
وانا توجور نضحك وهي عابسة
نبغي نشونجي في وجهي دايمن عاكسة
تعبني الغدر وليام الرقاصة
اجي ياولد ما نحكيلك على الحياة
مكان لي يشوفلك
غير لميمة في غبينتك هي لي حاسة
انتردي تحكي سرك
ومن الصحبة الغاشة فكك
معاك في طريقك هز فاسك
ماتستنى الغريب يتقدملك
ماذا بيهم اصلا يغيب حسك
عيش وحداني حتى يشيب راسك
هنا يموت قاسك
ماتبعد شد بيدك
بلاصتك نت ماتخليهاش
مايدوهاش
كونك راجل شعرة ماتقيسك
عين الشعب الجيعان دايمن داڨة
حراڨة فراڨة فلاڨة
ماتزول تحط يدك يعسك
يطيرو بيها لي ڨدك
تولي نت البهلول ضيعت فريستك
عمر راسك …بعقلك
قد يهمك أيضا :
انا مين أكون ؟ / قصيدة من شعر العامية للشاعر محمد عبد القوي حسن
