فدااااااان بكا .. شعر : اميمة القاضى

الليل ماجور مكسور
والوهم بالكيلة
وقلوبنا سنابل غلة
والحلم متبحتر شكاير
مستنين ف دور
والصبر منا ملا
واليأس متوفر
مالى الصحن والحلة
يامغربلين الهموم
بتعجنو فى روحنا
ومبتقطعو جروحنا
على الصاجة ميت قطعة
وبتخبزو المضمون
والفرحة لو طالعة
تخمر فينا الظنون
ولو مرة املنا خمر
واندب على المرح
الجرح يصبح فرع
مايلاقى مطرح
خلايق منها العجب
والحال بالمقلوب
فيها الحبيب مطبوخ
وفيها الخسيس القوى
متشال على القمة
وفيها الشقى المطحون
مسنود على اللومة
ولو عقله يوم ذنبو
مايلاقى غير حصرة
والهم بالشيلة
ولو زرع فى قلبه
الحلم والفرحة والميلة
مايحصد غير كسرته
والحزن والولا
على اللى زرعه الودع
فى عقل قلب الجدع
واتمنا منه الرجا
يبقى سبايك رضا
ف العمر متشالة
عينى علادة الجدع
احلامه متخانة
اميمة القاضى