عاش الاستاذ شعر: محمد عبد القوي حسن

عاش الاستاذ
شعر: محمد عبد القوي حسن
” اهداء لكل واحد ياخد القصيدة على نفسه”
——————
ومازلت بتوهم كل الناس
انك استاذ
جوه البرواز
بتعلق نفسك بالاوهام
وانت الاوناش مستنياك
قدام الباب
من غير النصب
انت الكداب
من غير الكدب
انت النصاب
وياواكل قوت الناس ببلاش
بكره هاتنشال جوه الاوناش
محمي ف اوهام
حواليك مجموعة من الضايعين
بيضيّعوا حق الناس عرابين
عربون لكراسي ماليها اساس
دخلوا الاوباش طلعوا الاوباش
شالوا الاستاذ على الهزاز
باع الملتاع كل المساكين
دخلوا المساطيل قبضوا العرابين
فتافيت فتافيت ..
كتاكيت كتاكيت
والعزبة تضيع في حلوق مساخيط
واصحاب الحق المنسيين
يدفعوا من قوتهم مش لاقيين
واكل المدفوع واحد جربوع
تاكل ف حرام يابو الاوهام
لا مخلي ارامل ولا ايتام
شارب ف حقوق الناس برشام
بتموت الناس ومفيش احساس
وانت الموهوم عايش ف غرام
قصصك مكشوفة لكل الناس
عشت يابلاص
قصدي يااستاذ