شهريار | الشاعرة / سوميه محمود السندريلا

شهريار
وليه تلف على الدروب
ماسك في ايدك مسبحه
صياد وبتصيد القلوب
داير تزور الاضرحه
ادعي كمان انك تنول
كل الرضا كده أو كده
مش راح تصيد قلبي انا
لو حتى فات مليون سنة
وحتي لو خلص الزمان
علشان اساسك الوعوبان ..
اوعاك تفكر نظرتك
هاتضمني وتلفني
واكون شهيدتك في الغرام
زى اللي سبقوا في الهوي
كلك كده ماتهمني
الله الغني ..
أمرك عجيب بس الغريب
بتعيش في دور انك امام
وفي وسطهم عامل عمر
في الحق قال راجل همام
مااظلمك يا ابو قلب قاسي
كالحجر ياشهريار
انا قلبي ضد الانهيار
ماشي في ليلك والنهار
عايش في ضل الاوليه
مثلت دور المؤمنين
عشمان يقولوا عليك امين
انا عمري منك ما اشتكي
انا عشت دايما في الأمام
مش هاقبل اني أكون ورا
ولا هرضى اعيش وياك حياة
وتكون ممله مكررة
انا عايزة اعيش وبدون قيود
انا بنت أصل محرره
أقلع قميص يوسف بقى
ياسيدى مش لايق عليك
هو انت ايه .. وليه حكايتك
في الغرام مابتنتهيش
هو انت ايه غيرك مافيش ؟
عايز الشروق وقت الغروب
عايز القلوب في هواك تدوب
لو كنت حابب يوم تطاع
اامر بشئ م المستطاع
عاشق هناك وكمان هنا
بالنسبه ليك حلوة الحياة
فرحان بتلعب لعبتك يا فرحتك
قوم حطها جوه العلب
ملهاش لزوم
وقت اللزوم حط الحجارة في
قلبها
لو يوم عطل شد .. باديك الزمبلك
وان. كنت حاسس حضرتك انك ملك
م المستحيل عرشك يدوم
عرش القلوب اقوى كتير من
دنيتك
الشاعرة / سوميه محمود
السندريلا

كشف بأسماء 100 شاعرة في مصر أرشحها للهيئة العامة الكتاب بدلا من تكرار اسم شاعرة في أكثر من أمسية