شعر بالعامية .. قصيدة للشاعر .. جاسر جمال الدين
مجنون شرب حزن الوشوش لما اتسطل
عامل بطل داخل فى مشهد كوميدى ساخر
فخ بس مالُهش أخر
كان مذاكر قال وفاكر ان عقله هينجدُة
والحيطان البايشة عايشة قال عشان هتسندُه
وقلبُه لما هيفردُه سجادة هتشيلُه لبعيد
كان لسة فاكر ضحكتُه
شيكات ومدفوعة الرصيد
مالقاش بشر بتقدّرُه
كل السكك بتكدّرُه تسقيه فى ذُل
بعبع بسدره وبعتّرُه فاتنتوروا فتافيت امل
احزان ولما اتشطروا
نهشوا بوقى البهجة من جواه بغل
مش لاقى حل
حقنة أمل بتخدّرُه لما اتخدع
كُتر الوجع توه منابع مصدرُه
والعمر كل يومين يقل
