شجر الرمان / شعر : حمدي حسين
شجرة الرمان
……………….
فرط الرمان .. بيسر العين
قشر الرمان .. لو وجعك فين
حطب الرمان .. بيسد الدين
انت اللي منين .. ؟
رايح علي فين .. ؟
أنظر حوالييك
اشعر بنعيم المولى عليك
واقرا الرحمن
فجرك يدن ..
أبا جدا
قبلك صروا ..
بس أقروا
ظلم الإنسان
وتعالى نشوف
حبة رمان
إيه جواها ؟
إيه براها ؟
إلمس بإديك
قدرة ربنا .. في عظمة البنا
حب الرمان
إزاي مرصوص .. لولي ومرجان ؟
طب مين يا فصوص
في ديباج مخصوص
رصصها دروس
وعمل جدران ؟؟!!
من بره نحاس .. ودهب عيارين
من جوه الماس .. يبرق قراطين
ولا حبه تزيد .. ولا حبه تقل
رب العالمين .. نصب الموازين
ولا عمره يضل
مش عايزه كلام
من غير برهان
احنا اللي ما فييش
عندنا تمييز
احنا التلاميذ
وما فييش أفهام
بص الرمان ..
ع الشجرة إزاي .. نازل فوانيس
كما روس شياطين
جوا الكوابيس
وتبان للعين .. منظرها جنان
بص الفوانيس
من خضره إزاي
كانت في أوان
قلبت في أوان
لبست ألوان
زينة رمضان
من غير كهربا
ولا شغل الجان
لا ف جوفها شموع
ولا حاسه بصوم ولا شاعره بجوع
خاتمه القران
لما بتستوي بتنز دموع
عسل البستان
فالجلد لوحده يروح مقطوع
يعني الممنوع ..يصبح مسموح
ومنين ما تروح ..
أنظر حوالييك
تشعر بنعيم المولى عليك
اتامل شوف ..
شجر الرومان
واسقيني عصير
………………..
شعر : حمدي حسين
