سلام على حبنا الموعود
سلام على حبنا الموعود

سلام على حبنا الموعود : شعر محمد عبد القوى حسن

سلام على حبنا الموعود

شعر محمد عبد القوى حسن

 

وشفت الفرحة ف عيونك

جناين شوق

وبدعى ربنا يصونك

حبيبتى الذوق

نسايم حب داخلانى

بشاير عشق واخدانى

ربيع من ورد بحر يروق

يروق البحر وياك

يغنى السحر ف رضاكى

اموت وانا قلبى يهواك

واعيش طول الحياة معشوق

وعاشق قلبك الطيب

ودايما فى الحما قريب

حماك الرب ياحبًيب

وفجرك جانى كله شروق

احبك والهوى بيدق

واحبك والنسيم بيرق

واحبك كل لحظة واشق

دروب الحب من غير طوق

هواك النادى بيراضى

قليبى الحالم الهادى

وحبك والله مش عادى

ونفسى اعيش تانى وادوق

طعامة الحب من اصله

ونبع الصدق من واصله

هاعدى الدرب واواصله

وحبك بالشراع مشدود

اليه ارحل واعدى واعود

ولاطيفك يفارقنى

ولايوم يبعدك عنى

انا منك ايامنى

ياقلبك فى حنانه ودود

ياعشقك فى جنانه بارود

ياوجدك بالعسل ممدود

اهيم بين الجداول عمر

واطوف بين الجناين عمر

بيامرنى الحنان بالامر

وتفاحه عسل ف خدود

وافراحه ماليها حدود

انادى رحلة الايام

واقول للفرحة تيجى قوام

على نيل المحبة سلام

سلام على حبنا الموعود

***

 اقرأ أيضا:

مساجلات شعرية بين نبيل مصيلحى ومحمد عبد القوى حسن

اكتب لمصر: شعر / أحمد محمد عبد القوى حسن