مبدعو مصر
اتوضا الندم باواجاعى
وسجد الدمع فى عيونى
وعلى باب احلامى ركع الجراح
طب صلى يافرح
فى جنتنا مرة
لبس قلوبنا توب السماح
دى مهما كانت فى قلوبنا حرة
وعريسها من جنة براح
سقونى دمك فى البر كأس
والبحر كفن قلب الحبيب
ورحمة الماضى اللى راح
اللى بكا الطفل الوليد
لترجعى وتشدى عودك
وتاخدى حق ابنك شهيدك
من كل اللى راح وفيكى طاح
اسجدى فى املنا مرة
خلى الالم يسيب مكانا
والحق ينطق كلمة سماح
وترجعى اقوى بسجودك
والشهيد يوفى بوعودك
فى كل ناحية من حدودك
ياوردة فى الجنة البراح
اميمة عبدالمنعم القاضى