فنون

يا قلبى ليه..؟ شعر / محمد محمد الشاعر


ليــــــــــه..؟
يا لحن الحزن ممنوع م الفرح
إيــــــــــــه..؟
يا ليل الفرح فينك تنجرح
لا..؟
يا غنوه ماليها الأنين
آه..؟
يا فرح ليه علطول حزين
ليه..؟
يا حلم ليه دايما شبح
يا صبر قلبى
اللى انخطف منو الحبيب
والشمس لما نورت
رجعت تغيب
غنوة الحب الحزينه
كانت فرح ليلةْ غروب
والفرح لسه بيبتدي
فَصلِتْ أحزاني توب
للحِدادْ
لااللى سافر رد تانى
وانتا يا قلبى الغريب
يا قلبى ليه..الحزن من
..نبضك طرح
مكتوب عليك ومش بإديكْ
إنك تحب وتنجرح
ليه الفرح
مالهوش مكان
غير الغروبْ

 

محمد عبد القوى حسن

محمد عبد القوى حسن رئيس مجلس الأدارة

اترك تعليقاً

لن يتم نشر عنوان بريدك الإلكتروني.

إغلاق