موقع إخبارى شامل

ياسارقين شعر البشر كلمات : محمد عبد القوي حسن

كلمات الشاعر : محمد عبد القوي حسن

عضو اتحاد كتاب مصر

لكل من تسول له نفسه بسرقة كلمات الأخرين

=-=-=-=-=-==-=-=-=

ياسارقين شعر البشر

دالشعر مش لعبه

اهل الصعيد غيرهم فشر

سكه صحيح صعبه

 

تنسب كلام الولد

وتقول عليه شعرك

معروف شاعرنا في البلد

من كام سنة قبلك

 

قوم اعترف باللي حصل

وادفع له داعيبك

مش هو ياكل في البصل

وانت اتملي جيبك

 

ياواكلين كفتة وكباب

واللحمة مشوية

عيشتكوا بكرة تكون هباب

ماتلاقوا طعمية

 

واللي فتح باب العراك

يتحمل العركة

راح يترمي وسط الهلاك

ويتدعك دعكه

 

ياللي انت بتحاموا الغلط

وماتعرفوش حاجة

عقد الشرف لو ينفرط

ماتعوضوش حاجه

 

البيت اخذته مش قليل

وقعدت بين ضله

رصيت عليه باقي القصيد

طلعت كمان فله

 

 

السرقة دي مش عرفنا

والصدق شيمتنا

ضربوا وبكوا من  قبلنا

ولا راعوا شيبتنا

 

والهرج زاد من غير معاد

ماتخلصوا الهرجة

ماتضحكوش عليكوا العباد

وتطولوا الفرجة

 

ادفع بسرعة اللي عليك

واوعاك تقول شعري

يانجيب عليك بكره ف واطيك

اه ياني ياقهري

 

م الواد تويتر والعم فيس

ومن كمان جوجل

شعرا عراه من غير قميص

واسأل كمان عوكل

 

 

التعليقات مغلقة.