موقع إخبارى شامل

ولو عارفة شعر : محمد النمر

و لو عارفه
……….
و لو عارفه وجودك عندي
ف حياتي بيعمل ايه
و لو فاكره ان الكلام يقدر
يفسرلك و يوصل لك
مشاعر قلب بتحبيه
و لو حسيتي يوم حبي
ماكنتيش لحظه يوم تنسيه
بيتمني ويستني جمال روحك
ف مره يجييه
و يلقي الشوق بيندهلك
تعالي شوفيه
تعالي لقلب بيحبك
وعاشق الضحكة ف عيونك
ياروح الروح تخافي بس
يوم من ايه
و ايه ف الدنيا دي احلي
ولا اجمل دا منه الحب
و ايه ف الدنيا يستاهل
عشان نمنع غرام ف القلب
تعالي انا وانتي نهزمها
ونتحداها دي الدنيا
تعيش فيها قلوبنا الحب
و مين فينا يوم يقدر
ولا يفكر بإن الشوق دا ماله وجود
و شوق الحب جمعنا انا وانتي
هنقدر بيه ونتحدي و ف عيونا
براح الكون مالهشي حدود
نشوف الدنيا بعينينا
و ليها نقول دا حبينا
امانه يادنيا تنسينا متحرمناش
نكون عاشقين
امانه عليكي ماتدوسي علي قلبين
وصال الحب جمعهم
كفايه علينا احزانك بقاله سنين
انا بتمني يوم نفرح واقول للدنيا حبيتك
وخبيتك ف نن العين
و انا عارف دا ياما انا وانتي هنقابل
ف سكتنا كتييير صعوبات
لكن والله و حياتك دا قلبي بيكي مطمن
و قادر اواجه الدنيا ومش خايف من الجايات
و خلي الناس و ف الحكايات
يقولوا عني مجنونك و مايقولوا
م انا ياحبيبتي مجنونك و مفتونك
ولا اقدر اعيش ف يوم ابدا
و اكمل عمري دا بدونك
ماليش غيرك في هذا الكون
و سبحانه اللي خلق روحك
و سكنها ف روح روحي
وخلي القلب دا يبوحلك باسراره
و يكتب فيكي اشعاره
دا يمكن شوقه يوصل لك
ويهمس ليكي ويقولك
و رب الكون يكون شاهد
هقولهالك بعلووو الصووووت
و مين غيرك دا جوا القلب
بحبك موووووت
الشاعر / محمد النمر

التعليقات مغلقة.