موقع إخبارى شامل

وتعدى الايام  شعر : محمد السعيد

وتعدى الايام  شعر : محمد السعيد
وتعدى الايام واستنى
يمكن تتلون فى سمايا بعض الاحلام
يمكن تتعطر دقاتي
‏ بجميل صورتك
‏ترضيني ف حبك ايام
‏يمكن تتكسر جواكي
‏اشباح بعدك
‏فتحسي بصدك بعض اوهام
‏ كلها أحلام والله لوكنتي صبرتي
كان ممكن قصب الحب
‏يعسل بحنينه مر الايام
‏كان ممكن نلقى فى قفص الغربة يقينا
‏رنة خلخال و خمار بيجمل أمانينا
‏ويخاف م الحساد لومال
كلها احلام
‏لو كنت دريت على الشعمة زمان
‏كان ممكن تتغير احوال
‏ولا كنتى مشيتى ولا سافرتى
وعدتى ف الصحرا اميال
‏كان ممكن تتلون دقاتك
‏مرة بنفسج مرة.ريحان
‏لو كنتى سمعتى اكيد همسي
‏كنت هاافصل
من قمر الدنيا مع نجومه
‏اجمل فستان
وازفك وسط حيطان الشوق
‏ب ورود الحب نصها لولى وفل ومرجان
‏واقولك
‏كلها احلام
‏وانا كنت فى حلمك متصالح
وعينيكي مابعدت يوم عنى
او شغلت بال
‏غير بس حقيقى اما تسلم
وتقول هتنام
‏فا اشد لحاف فى رموش عينك
و اقفل ع النن معاها وانام
قد يهمك أيضا

التعليقات مغلقة.