والليل وسحر الاماني وعمي ابراهيم رضوان شعر : محمد عبد القوي حسن

57

والليل وسحر الاماني وعمي ابراهيم رضوان
شعر : محمد عبد القوي حسن
مهداة الي شاعر مصر الكبير ابراهيم رضوان
=-=-=-=-=
والليل وسحر الاماني
وضحكتك في الفجر
ترجع تشق بسهامك ظلام الليل
تطلع لنا ابيض بياض التلج
مثل البدر
انت ابتسامتي في غربتي للكون
وانت ياعم ابراهيم رضوان
نسمة الايام

تفرد جناح اندهاشك
فوق سماواتك
تكتب كتاب الامنيات للضحي
تقطفنا تاني ياعمي
وردتك للبوح
ياواخدني مني لسحر ابعد من سنيني
وراسمني عني
علي وشوش الصبايا البكر
اتهجي من تاني حروف اسمك
واكتب في حبك ياعمي ابراهيم رضوان
الشعر

والليل يهاود مهجتك ياغريب
وانت اللي فاتح بواباتك طهر
علي جدول الايام تطمني
من نظرة سمحة يقراها
اللي واخد العهد

الأكثر مشاهدة

واقراني تاني ف مهجتك تراتيل
واكتبني عني من كتابك ورد
انا وردة بلدي ف بستانين ضيك
او من قرنفل جنتك
فتي من جنوب الارض
طالع يساوي المريدين في حضرتك
وواخداه الجلالة لحد اخرفرد

واطلع من الصبح بدري فوق شطوط البحر
من بحر شعرك بيتوضي يمام الحما
يطلع يصلي فوق في سما النسمة
وانا بسمة حلوة من عيونك بكر
وانا غنوة جنوبية علي شطوط العمر
تقدر تترجم للبشر امانيك
وتهادي في الفجر الصبايا اناشيد
وتراضي في نور البدر والعيد
بناويت بتطلع من دواوينك
حلوين قوي بيوزعوا في الورد

قد يهمك أيضا

علي مسافة النور .. شعر: عبد الحافظ بخيت متولي

التعليقات مغلقة.

error: