هيكل ادم شعر / محمود رمضان

188

هيكل آدم   شعر محمود رمضان
######
طوابير
طوابير وصفوف
علي شئ مرفوض
علي شئ مألوف
وحياة بتعيش
وحياة بتموت
وشوارع
فارده إيديها علي الأرض
وكأن خيوط بتلف خيوط
وأماني بتحبل
من يأس الدنيا
فتخلف احساس بالخوف
طوابير
طوابير وصفوف
وانا واقف في الطوابير متكرمش
بتبص عليا الكائنات
وكأني حرف صغير في مجلد
شايل كل تاريخ الناس
وكأني هيكل ماشي
علي هيئة آدم
طب ليه
انا حاسس اني بأغيب
وعيوني بتلمع ف المشاوير
اسوار وحدود
وبرغم القوة الساكنة ف شرياني
وبرغم الكون الموجود علشاني
متكرمش في الطوابير
يمكن علشان
شايف اخر نقطة
في بحر الشوف
ف بحس بإني بعيد
وبإن العالم
وحش مخيف
محمود احمد رمضان
ديوان شكل تاني

قد يهمك أيضا

الأكثر مشاهدة

لا زلتُ في .. شعر د: ذر الشاوي – العراق

والليل وسحر الاماني وعمي ابراهيم رضوان شعر : محمد عبد القوي حسن

علي مسافة النور .. شعر: عبد الحافظ بخيت متولي

التعليقات مغلقة.

error: