ابداعات أدبيةاخبار عاجلة

هنا القاهره .. شعر: هناء سيف الدين

هنا القاهره .. شعر: هناء سيف الدين

هنا القاهره
هنا الاراضي الساحره
وع الشطوط غنوه جدود
فبها الرمال العاطره
موجك بيحضن في النشيد
وادي صوت الصافره
جايه المراكب من بعيد
بتشق موجك..عابره
شايله الاماني للولاد
قاصده الولاد الساهره
اللي كفوفهم فيها طين
من ارضها متحنيين
على جبينهم عرقانين
جايه اليكم ناظره
عارفين قلوبكوا فيها خوف
مستنين .. ومشتاقين
راسمين بحنه صبركوا
على الكفوف تعب السنين
لكن ضحكتكوا كده
بتقولوا لا مش تعبانين
بادرين على ارضك هدى
عاشقين جمالك
فرحانين
با مصر غنيلنا بقه
غنوه هدى متلحنين
خلي الاماني بالصدى
يتشق ارض الفلاحين
يزرعوا ارضك رضا
نحصد غيطان الطيبين
المخلصين
الشقيانين
الفرحانين
الملهوفين
يشوفوا عيدك في المدى
يضم احلام السنين
وبعز يوسف
ابتدا عزك
يهادي المحرومين
سبع سنين فاتوا كده
وابتدا السبع سنين
صوت الغناوى بالرضا
بالحب جايه ملهوفين
بتغني عايزاكي صدى
ويرد يوسف الامين
صوت الغناوي من هنا
سامعه نشيد الفرحانين؟
يابلادي يابلادي
انا بحبك يابلادي
يا بلادي يابلادي
انا بحبك يابلادي
موج الشطوط
بتشق قلبي مننا
شايله الامان
شايله الامل شايله الهنا
واحنا اللي راح نجني اللي راح
واحنا الايمان والماذنه
واحنا اللي عشنا طيبين
احنا القلوب المؤمنه
وادي صوت المداحين
يا امنا
يلي عشتي صبرىنا
لبي معاهم زينا
الله ..حي
الله ..حي
بنور الله
بفرج الله
الله ..حي
الله ..حي
صلى الله على محمد..
صلى الله عليه وسلم
عايزينك انت والنشيد
ينده عليكي دندنه
يا بلادي يابلادي
انا بحبك وبهاتي
يا بلادي يا بلادي
احيي تاريخي وامحادي
يابلادي با بلادي
احيي حضاره اجدادي
يا بلادي يا بلادي
اسمعي صوتي بنادي
يا بلادي يا بلادي
انا بحبك يا بلادي
**********
هناء سيف الدين

بواسطة
عبد القوى محمد عبد القوى
المصدر
الفيس بوك
الوسوم
إغلاق