موهبة جديدة في الشعر الغنائي : نادر محمد عبد الحكم

381

موهبة جديدة في الشعر الغنائي    مجلة مبدعو مصر تحتضنه  وتقدمه للقراء الأعزاء حتى يتعرفوا عن تجربته الجميلة عن قرب وتتمني للشاعر نادر محمد عبد الحكم ابن قرية مهدية بمحافظة المنيا كل التوفيق في مجال الإبداع المتميز ، والآن ننشر له مجموعة من قصائده نري إنها تنبئ عن شاعر غنائي جميل .

جابت اخرها
ولساك ياقلبي بتفتكرها
دي حكاية عدت زيها بقا زي غيرها
ليه تكسر قلبك علشانها وتجبر بخاطرها
بكفايا عذاب
توبنا ومن جرحك صلينا وقفلنا الباب
ايه ذنبي يتعلق قلبي بواحد كداب
يرجع ويفارق بمزاجو ومن غير اسباب
ضحينا كتير
ومن امتا ي قلبي انا وانت شوفنا التقدير
بنسامح ف اليوم ميت مره ومن غير تفكير
لا مش هنعدي المرادي عدينا كتير
علي وشنا بان
بنحاول نضحك ووشوشنا كاشفة الاحزان
اسف ليك لو يوم فكرتك انك انسان
قالو زمان من باعك بيعو وانت الكسبان

 

فاكرني ملاك وهنسالك
تفكر قلبي يصفالك
يا جبروتك يا افعالك
انا امتا نسيت
ليالي معاك كانت مرة
ولا كرهتك ولا مره
من قلبي،،، بالسلامه برة
عالفرقة نويت
مش عاوز اشوفك قدامي
معاك ضيعت احلامي
خلاص خلصت انا كلامي
لو مهما بكيت
كفاية يا قلبي فاض منك
جراح وكبرت عن سنك
ساعتها هكون برئ منك
لو يوم حنيت
فاكرني ملاك

 

عدينا بلاد وخطينا
وبعتنا رسايل وحكينا
وبالدم كتبنا علي ايدينا
يا حبايب فين أراضيكم

محبوبة بلادكم سمينا
وياما عشانكم ضحينا
وكتمنا وجعنا وخبينا
يا حبايب لاجل نراضيكم

من خرم الباب بصينا
وغير العتمة ما لقينا
وانكسر قلبنا وعنينا
يا حبايب كيف نعاديكم

ضحكنا لحد ما بكينا
وبالفرقة قسمنا ونوينا
ورجعنا ديارنا ونسينا
يا حبايب حتي اساميكم

 

وجعت قلبي عليك
ليه تنوي من الاول
غاوي تعلقني بيك
وقلبي يتحول
توحشني ياما عنيك
والوحشة بت_طول
وجرحي يهون عليك
وتسيبني بتقتل
انا عشت مشغول بيك
وف صورتك أتأمل
قلبي بيدعي عليك
وياريتو يتحمل
الحزن يشوف عنيك
انا برضو متأصل
عاهدتو يخلص ليك
وبيحلم نكمل

 

صاحبي مات
يادوب من ساعات
من وقت فااااات
كان هو عكازي

الأكثر مشاهدة

سبت حجات
وعشت اهات
يا زمن هات
عزوتي وناسي

كان جنبي سندال
ف الشدة حم_ال
يا صاحبي ينشااال
خيرك علي راسي

نعشك وصل
ياريتو ما حصل
موتك كسر قلبي
وقسم راسي

يا عمري وداااع
يا حلم وضاااع
ف الجنة ينزاااع
اسمك وتعيش راسي

 

كان زمان
يا قلب معلق ف الهوا ومعبي حنان
كان مالك انت ومال الحب يا غلبان
حبيتها……………. وعشقتها
ومليت حياتها حنا
اهي غدرت بيك
وسابتك للعود والكمان
وشافت غيرك وعشقتو
خليك انت عايشلي دور الندمان
اوعا تحكي للناس خيبتك
يعايروك بالخيبه يا خيبان

خيبة
الزم حدودك يا واكل ناسك
شوف بكرة مين فينا هيصبح خيبان
تحكي من راسك وتحاكي
عمر العاشق ما كان خيبان

ملعونة البطن الي شالتها
ولو ف يوم انا حبيتها
عمري ابدا ما هكون ندمان
ماعدش ليها ف قلبي مكان

كان زمان

 

قد يهمك أيضا

علي مسافة النور .. شعر: عبد الحافظ بخيت متولي

 

التعليقات مغلقة.

error: