مبدعو مصر
السيرة الذاتية للشاعرة نادية فتوح
**********************
الاسم نادية محمد فتوح موسى
مواليد القاهرة ج. م. ع
حاصلة على بكالوريوس خدمة اجتماعية جامعة حلوان
اكتب شعر العامية ومقتطفات من شتى أنواع الأدب ..
عضو إتحاد كتاب مصر عضو عامل عام بثلاثة إصدارات :
ديوان عناقيد اللقا 2014
ديوان بأمر العشق 2016
ديوان بنج نصفي 2017
و صدر لي مؤخرا ديوان رابع نصوص أدبية بإسم ذات همس
وتحت التحضير ديوانين آخرين
عضو نادي أدب أشمون عضو عامل
عضو رابطة الزجالين وكتاب اﻷغاني المركز الرئيسي بالقاهرة
حاصلة على درع التكريم من جامعة المنصورة
وتكريمات من شتى المنتديات الادبية في ج. م. ع
حاصلة على المراكز الاولى لقصائدي العامية
وكذلك اوسمة التفوق لبعض القصائد
اشارك بالعضوية في جميع المنتديات الثقافية و مختلف المهرجانات والصالونات الادبية
شاركت في الامسيات الادبية التابعة لقصور الثقافة في معرض الكتاب
ومازال المشوار طويلا
والله ولي التوفيق
ناديا فتوح
هزيمة منكرة
************************
الريح شديد
والنوة جاية مكشرة
إعصار دمار
و انت اللي واقف ع الجبل
أعمى البصيرة والبصر
رافض تشوف اﻻنهيار
ناقع مرارة شهوتك ف اﻻنحدار
ﻻ صوت أدان ..
يرميك ف توبة تفوقك
و ﻻ يكفي مليون اعتذار
د الانتظار مؤلم قوي
لما يكون ..
مربوط بقيد فوق الرصيف
و اما يكون ..
محشور ف دايرة من اﻷنين
و انت اللي فاتح ضرفتين
على سكة الليل الكئيب
و ماهوش غريب
إنك تدوس خد النهار
إشرب كاسات اﻻنتصار
و اعلن هنا موت الضمير
إشرب كتييييير ..
و ارقص على ضهر الجبل
قبل الرياح ما تبعترك
أو تصلبك تمثال حجر
وحذاري تشعر باﻷلم
أو بالندم
إشرب سكات لغة الصنم
و اياك تفوق
و اتدارى لحظات الشروق
لتلاقي صورتك ف المراية بترسمك
في الشكل معنى اﻻنكسار
و تشوف نهار ..
سرسب أمان من بين إيديك
اتدارى فيك
م انت الوحيد اللي اتفرد فيك الكهوف
و انت الوحيد المختزل فيك المرار
إتدارى قبل الانشطار
و كفاية عشقك للرزيلة وللدمار
كفاية جرحك يترسم
فوق الشفايف مقصلة
رغم إنها …
تعويذة للصوم و الصلا
وارد تموت
و تعدي بعيونك حدود المستحيل
وارد تميل
ف تشوف كتابك بالشمال
لغة الضلال
مافيهاش معاني تلحقك
و انت اللي واقف مطرحك
رافض تغير دا المسار
ف اشرب كاسات اﻻنتصار
و استنى يوم …
هتشوف هزيمة منكرة
جاية على …
كف النهار