موسوعة مبدعو مصرفنون

موسوعة شعراء العامية المصرية / الشاعر : محمد صبحى نصر

محمد صبحي نصر
تاريخ الميلاد : Feb 1, 1978
محل الميلاد : جمهورية مصر العربية – كفر الشيخ
الجنسية : مصري
الحالة الاجتماعية : متزوج و عندي 3 أطفال

المؤهلات العلمية :-
بكالوريوس تربية رياضية (جامعة الازهر )
شاعر عامية و عضو عامل بنادي الأدب بقصر ثقافة كفرالشيخ
نائب رئيس مجلس إدارة نادي الأدب بقصر ثقافة كفرالشيخ 2014/2015
عضو الجمعية المصرية لهواة المسرح
عضو جمعية أصدقاء الصالون الثقافى بالقرضا
عضو الفرقة القومية المسرحية بكفرالشيخ
شاعر عامي نشر له :-
*ديوان بالعامية المصرية بعنوان ( مجروح قوي )عن الهيئة العامة لقصورالثقافة 2010
* ديوان بالعامية المصرية بعنوان ( أموت واقف ) عن الهيئة العامة لقصور الثقافة 2015
* نشر قصائد فى العديد من الصحف
شارك فى العديد من المؤتمرات والندوات الثقافية على مستوى الإقليم وعلى مستوى الجمهورية و آخرها مؤتمر أدباء مصر في دورته 32 بشرم الشيخ ممثلا عن نادي أدب كفرالشيخ .

و أبدأ بنص قصير بعنوان (حبك قدر )
حبك قدر
فوق الجبين مكتوب
و لو هموت م الجوع
أنا عمري عنه ما أتوب
يا أم الضفاير
ع الكتاف طوابير
و حياة عيونك
انت حبك غير
مقسوم عذابي
و برده مش حساه
قلبي اللي حبك
جه ف لحظة و تاه
فمتبعديش
الراية عن حصني
دا انا اللي جدرك
و انت من غصني
يا أم الشموخ
و العزة و الأحمال
مال اللي يقدر
يبعدك يوم مال
و انت الوحيدة
ف وسط هذا الكون
اللي الجميع
عاشقك بكل جنون
و أنا المتيم
مش لاقي لي ضريح
أنا اللي صامد
عزم ضد الريح
مفتون صبابا
و حضرتك هملاه
مقتول ترابك
و العزا مقصور
مين يا ترى اللي عليه الدور
علشان يكون الفدو للتانيين ؟
مين اللي يقدر ع الغنا هنا مين ؟!
مين اللي عايش في الحياة مصلوب
حبك قدر فوق الجبين مكتوب
حبك براح الكون دا للمساجين

محمد عبد القوى حسن

محمد عبد القوى حسن رئيس مجلس الأدارة

اترك تعليقاً

لن يتم نشر عنوان بريدك الإلكتروني.

إغلاق