ابداعات أدبيةاهم القضايا

مساجلات شعرية بين مصيلحى وعبد القوى

مساجلات شعرية بين مصيلحى وعبد القوى


ـــ
تسلم يا ساكن جوَّايا وحنيني ..
يا رفيق رحلتي وحياتي وسنيني ..
يا نبضه دافيه ودها يرويني ..
يا عبد القوي يا صبح عمره ما ضاع
ــ
إنت الصعيدى اللي ما خان يوم
ولا عمره باع صحبه لسحب وغيوم
ولا مره سب وسخط من صغار القوم
ولا اغتواه الدجل وقام له صراع
ـــ
يا ع القوي دنيتنا معيوبه
فيها الأصيل يندفن طوبه
فيها الخسيس بتقوم له القومه
وهتبقى على دا الحال دنيا مشاع
ـــ
يكفي تقول الحق ما تخشى
ربك قوي وغيره ما تخشى
وللعيب تواجه صاحبه ما تخشى
الشر نار والخير ده خير متاع
ـــ
نبيل مصيلحي

الرد من محمد عبد القوى حسن

لاخيه نبيل مصيلحى

الله عليك يانبيل

يابو قلب زى النيل

قلبك يساع المدن

قلبك عفى واصيل

فدادين خضار واوتار

ومواكب الخير فى كل نهار

تطلع توزع الازهار

على الهايمين

على المكافحين

والعاشقين شعرك وموالك

كتبك وترحالك

وانت المسافر فى الوريد يانبيل

وانت حبيب القلب ادعى الرب

لك كتير وكتير

دايما تساند صديقك

دايما ماتعرف ملاوعة

شهم وشجاع وطريقك\كله فلاح ونجاح

مع احترام تقدير

فاسعد بهذا الكم م الاكاليل

وافتح قليبك ياصاحبى

قلبك عفى وجميل

انا بين شرايينك باستهجى البدر الصدوق للمدى والذوق

وعلى عطفة تسابيحك

اداوم رحلتى للبوح ف شروق

وافضل اهادى حبنا للغربة والايام

يمكن يمام محبتنا يجمعنا ساعة انسجام

ونهادى بعض اغنياتنا ونخطى ولقدام

خطى بنا يامصيلحى وقود الدفه ياغالى

طول ما انت ريسنا فتحلو بيك الليالى

طزل ما انت استاذنا تتحقق اغلى امانى

ولا راح نعانى الويل ولا غربة المساطيل

لما كنا ما كانوش

لما حاولوا يكونوا كنا

كما كنا  وماطالوش

اى شىء منا وعنا

رحلوا خالص وماجوش

ولانرفض من يجيلنا

بس جيلنا ماهانوش

اى جيل من قبل منا

واحنا لو حدثنا حالنا

عن حوالنا مانلاقوش

نقطة سودة فى صفحاتنا

احكى مجد الاعمر كله

وجعز المرسى ف مقاتنا

عمر اجمل مانملة

راح نعيشه بين واحتنا

مين يقرب مين يهوب

ما احنا برضك زى ما احنا

 

 

 

 

الوسوم

عبد الله محمد عبد القوى

مدير التحرير ..كاتب وشاعر مصرى ..صحفى بمجلة "مبدعو مصر"، عمل فى مجال الصحافة منذ كان عمره 12عاماًـ يكتب فى الجرائد الورقية والمجلات الالكترونية...عضو مجلس ادارة جمعية مبدعى مصر.
إغلاق