ابداعات أدبية

جرب انه يطلع بيض شعر: محمد عبد القوى حسن

جرب انه يطلع بيض
شعر: محمد عبد القوى حسن

خالتى ام احمد جابت فرخة
قامت الفرخة باضت بيضة
والبيضة صبحت كتكوت
والكتوت فى الحى يفوت
هجج خلق الله بنبوت
قام الخلق قالولة ياكوتكت
اوعاك تنسى انك بيضة
كان ممكن عيل يكسرها
او يسلقها او يقليها
او تضربها الشمس تمشش
فاوعة ياهشهش تعمل ظيطه
وبلاش تتنطط ع الحيطة
وبلاش تانى تعمل ديك
لاحسن بالله نوريك
كش الكتوكت وصبح فرخة
وقعد جنب الحيطة الشارخه
وجرب انة يطلع بيض
علشان يعمل بيهم عيلة
ويطلع فى الشارع ويظيط

محمد عبد القوى حسن فى ويكيبيديا

الوسوم

أسماء مصطفى

كاتبة صحفية تدرس اللغة العربية لها مجموعة من المقالات الفنية والثقافية المختلفة.. عضو جمعية مبدعى مصر ..
إغلاق