ابداعات أدبية

كنا زمان / شعر : محمد الرفاعى

 

ننشر لكم قصيدة جديدة للشاعر محمد الرفاعى بعنوان ” كنا زمان “، ونتمنى ان نتال اعجابكم القراء الاعزاء

كنااا زمااان

كنااا زمااان ..
واحنا لسه صغيرين ..
عايشين هنااا ..
ف نفس المكان
نجري ونلعب ف الغيطان
ونطير كما الطير ف السما
ونجري ولاا ..
جرى الحصان
عايشين حياتنا كلها ..
فرح وسعادة
وقلوبنا مليانه ..
أمااان
كنااا زمااان

كنااا زمااان ..
نطلع..
وتطلع الشمس علينا
ف الطريق
هي دي الشمس اللي كانت..
لي صديق
والشمس طالعه منوره ..
بتصبح علينا
واحنا من فرحتنا بيها ..
ب نجري ونشبك ..
ايدينا
*
بتقول يللا ..
ب الهمَّه يللا ..
دي الارض والله ..
ب تنادينا
نسمع نداهاا
ونعيش فداهاا ..
وربنا يقوينا
ونُبدُر بدورنا ..
و جارنا يزورنا ..
ويساعدنا ف أراضينا
واحنا نساعد اللي يساعد ..
كل الجيران
كان لسه فيه فينا ..
الصفاا
وكان لسه فيه برضو ..
الحنااان
كنااا زمااان .

الوسوم

أسماء مصطفى

كاتبة صحفية تدرس اللغة العربية لها مجموعة من المقالات الفنية والثقافية المختلفة.. عضو جمعية مبدعى مصر ..

اترك تعليقاً

لن يتم نشر عنوان بريدك الإلكتروني.

إغلاق