مبدعو مصر
قلبى اللى كان
شالك زمان بيلف بيك
ويخاصم الايام فى يوم
لو جت عليك
وبيفرد الرمش العفى
يحفظ عنيك
طالع معاش قدم طلب
عايز يادوب مترين قماش
عايز يغيرجلده فيك
عايز نهاية خدمته
فى ارض البوار
طمعان يفارق دنيته
بهدمه ودار
طمعان يعيش كام يوم بقى
بدون انكسار
وان كنت عايز عرض حال
انا حالى عارضه لربنا
طابع بريد على ظرف
من ٣٠ سنه
والساعى تاه
والقبله غير الاتجاه
بركع واقوم واسجد هموم
اتارينى داخل فى الصلاه
من غير هدوم