قصيده بعنوان كله اتغير.. شعر: محمد وجية محمد
قصيده بعنوان كله اتغير
كله اتغير كله باع
كله اتغير من غير ما يحس
وكله بيعيب علي الزمان
ما هوه الزمان هوه هوه
والي اتغير انت وهوه
بص لجدك وانت تعرف
لما كانت تتلم اللمه
وشويه تمر وشويه حنه
والعالم كان بيغير منا
كان كله بيضحك ضحكه جميله
من غير حقد ومن غير غيره
وكانت القعده علي الحصيره
تتلم العيله لمة جميله
والحاضر بيسال علي الغايب
وكانت تتجمع الحبايب
الجيران والقرايب
كلهم القلب دايب
طبق واحد بيجمعهم
علي الحصيره ومفيش غيره
كان الخال يسال والعم يربي
والاب يرجع كمان يربي
واليوم انا بدعي ربي ترجع ايامنا الجميله
ايام جدي وجاري
لما كان القلب مروي
وسط الحبايب والقرايب
اقرأ المزيد:
