موقع إخبارى شامل

قصيدة بالعامية للشاعر محمود وحيد

قصيدة بالعامية للشاعر محمود وحيد
يا ام الضفاير سود
والكحل رباني
والسحر كام عنقود
علي عشقه رباني
طول عمري انا المركبة
وعنيكي رباني
شايفك بعيني براح
علي دقتك بارتاح
انا ف الجمال سواح
ليه انتي ناكراني
…………….
كل السطور اسمك
كل الكلام ليكي
علي مهجتي راسمك
غنوة باغنيكي
لو قلبي كانله لسان
هيقول باموت فيكي
لكن ميزانك جنح
والحرف فيكي انجرح
انا صوتي ليكي اندبح
نفسي الاقيكي
……………….
قلبك كما الساقية
وانا قلبي كان التور
داير مغمي الشوف
بيكي يلف يدور
يسقي اللي مش عطشان
ويعطش المقهور
كفاياكي صحي النوم
طال السكوت والصوم
خافي دعا المظلوم
اصله بدعاه منصور
لا يتوفر وصف للصورة.
قد يهمك أيضا

التعليقات مغلقة.