ابداعات أدبيةثقافة و أدب

قصيدة بالعامية للشاعرة /ايمان بوشناق

قصيدة بالعامية للشاعرة /ايمان بوشناق

 

يا عنيها يا عش طيبة
غطيني تحت جناحاتك
الفرقة قاسية وصعيبة
طيرك حياته ف حياتك
يا اللي انت درة ف بحورك
يابخت من غاص معاكِ
وشوش محارة خدورك
وسمع حلاوة غناكِ

ايمان بوشناق

ياسمرة لونك دة غِيّة
لُون فرحتي اللي فاتِتْني
وعيونك العايشة فية
من غربتي لملمتني
النني سره في بيرك
يسحر بصوته وسكاته
غرقان ف بحرك أسيرك

ايمان بوشناق

راهب يقدم صلاته
يا رموش ستاير محنة
أنا بس بسأل وماشي
اناقلبي كان جنب منا
قال راح وراجع ماجاشي
استني يا شمس كونك
لا تبعدي عن سمايا
أنا مين أكون لولا كونك
دة انت طبيبي ودوايا
سايق عليك الليالي
وجمالك اللي قتلني
حنّي على وتعالي
العشق عني شغلني
سايق عليك لهيبي
ويلي ف عشقك وهمي
عطشان لشوفة حبيبي
لو حتى لحظة ف حلمي
ايمان بوشناق

 

الوسوم

أسماء مصطفى

كاتبة صحفية تدرس اللغة العربية لها مجموعة من المقالات الفنية والثقافية المختلفة.. عضو جمعية مبدعى مصر ..
إغلاق