ابداعات أدبية

قصائد عاطفية من شعر العامية للشاعر محمد المالكى

قصائد عاطفية من شعر العامية للشاعر محمد المالكى

على قلبي ميل

يابو رمش كحيل

من نظره واحده انا قلبي عليل

من نظره واحده انا حبيتك

ايه كل دا

يخرب بيتك

صليت ع النبي ورقيتك

يا ابو خد جميل

الحب خبط على دارنا

يا مين عليه هيصبرنا

يا حلو طيب عبرنا

بتتقل ليه

دا انا اللي عاشق عنيك

باتمنى لمسة ايديك

يا حبيبي ايه يرضيك

سهرني طول الليل

على شط البحر

لليل والقمر

انا باشكي وحدتي

وبلاقي الموجه جايه

بتمسح دمعتي

ليه يازمن العجايب

ابكي جرح الحبايب

فكر ودموع وسهر

وان غاب ليله القمر

هاشكي لمين حالي

ا قسوة شكوتي

انتوا حبايب زمن العيبه

توهتونا ف دنيا غريبه

يا قلوب مليانه خيانه

مالينالكو قلوبنا طيبه

بيفرحوا لما تنزل دمعتي

ويضحكوا لما يلاقوني ف وحدتي

وهان عليهم دمعتي

وغربوني ف دنيتي

يا حبايب وماهونتوش

جرحتوا وما رحمتوش

عن بالنا وما غبتوش

واحنا برضوا مسامحين

علشان عشرة سنين

 

 

اقرأ/ى أيضا:

مؤتمر تجليات الإبداع الجديد فى سوهاج 27 مارس

ذات الجـــديـــلة بقلم: مرفت يس

أكاديمي مصري يتصدرمسابقة المركز العربي للإعلام السياحي لاختيار شخصية العام السياحية

الوسوم

محمد عبد القوى حسن

محمد عبد القوى حسن رئيس مجلس الأدارة
إغلاق