فتحت كتابك قصيدة من شعر العامية المصرية للشاعر حامد الغزالي يوسف

201

فتحت كتابك قصيدة من شعر العامية المصرية للشاعر حامد الغزالي يوسف

أكيد هقرانى من تانى
وارجّع فى الهوى
فرحى وأحزانى
لعبتى ليــه!!؟
بحس الشاعر المسجون
…..فى وجداني
ولما الحلم يزرع
ورده فى سنينى…
هخش عنيكى
أقراكى …وتقرينى
برغم البعد هنغنى ..
…ونحلم
تانى لو مرة …
كمان فى العمر
ورغم انه
مهوش بإدينا نتلاقى
….هنتلاقى
عشان ربي
في إيده الأمر
صحيح مابينا م الأشواق
فرس جامح
وقلبى زرعته فى صبحك
أمل طارح
وعشش فوق غصون بكرة
عصافير الهوى شايلة
على جناحها
غنا امبارح
برغم البعد
هنغنى أغانينا
ونغزل م الهوى
توبنا وبإدينا
ومين فى العشق هيقدر
غرامى ليك؟!!
سوى قلبى اللى انزرع
حبك فى أوطانه
خلاص صحيتى إحساسى
خلاص رجعتي أفكارى
ياعصفورة بتنكش
فى رماد الحب اللى استخبّا
تحتها نارى …..
فتحت كتابك المقفول
فتحت كتابى
أقرالك…. وأقرالى.
شعر/ حامد الغزالي يوسف

قد يهمك أيضا

عبد القوي ضيف نادي ادب ديروط باسيوط الاربعاء في امسية شعرية كبري

Comments are closed.