فاكر اما كنا .. شعر / افنان محمود كامل

4

فاكر اما كنا ف يوم هناك نقطف ورود
فاكر الليالى ولحن عود
وقت الوعود
وقت اما كان تنبيهنا دايما
انه جه وقت السجود
فاكر زمان وقت اللقى كان فى حنان
فاكر اما كنت انت بعيد وانا ف مكانى
أرواحنا كانت تلتقى وعيونا مشتاقة
اللهفة صبحت تتطفى والنظرة متشافة
وقت الوداع عايشين كشمعة بتنتهى
والضى غطى التوب ليتخافى
فاكر القلوب الحية قلوبنا قبل الموت
القطر عاد ليفوت كعادته بيمشى قدامى
وبشوفه ماشى مبتحنيش
بأبي الرحيل لكنى مش راجعة
واقفة ف مكانى ومصنمة الدمعة
القطر مهما يفوت هيعدى من تانى
‏لسة ف مكانى
‏ولو هعود جات ناس مكانى
‏أوقات بتيجى الذكريات وتفوت
‏بتعدى بالضحكة وبتمشى بالدمعة
‏انا ليه بعانى لعقلي مش سامعه
‏كبرنا وعرفنا مش كل عين لامعة
‏بيكون سببها الحب
‏احيانا الدمعة
‏احيان كمان بتكون الصحبة لو جدعة
‏والاهل واللمة بيصحوا روح ف الروح
‏اصل الحياة من غير جروح
‏عمرك هتفهما
‏لازم تسيب للحظة أنغامها
‏وتعيشها بالتفاصيل
دا الفجر لما يطل
بيجى قبله الليل

Comments are closed.