منوعات

غِنيوة للشهيد : شعر / عادل صابر

غِنيوة للشهيد : شعر / عادل صابر

ــــــــــــــــــــــــــــــــــــــــــــــــــــــــــــ
نعشَك طالِـــع بالزغـــاريد
وافرولَك جـــلابيِة العــــيد
والناس شامّة ريحة الجنة
بتعطِّــــر دمَّــــك ياشهـــيد
***
ياللى دفعت هواك بكشـيش
لجلِن ماتمــوُت الخفــافيش
نورك هَلّ، وشــال الضلمة
ضَحّيت علشان احنا نعيش
***
فاكرين دمَّك ، مابننساش
مش حنبيعــــك للأوبــاش
طمِّن روحك وانسى جروحك
دمّـــَك مش حيروح ببلاش
***
روحك بترفرِف ع الــــدار
ماانت ف جَنّة وهُمّا ف نار
مهما صــبَرنا واتصـــبَّرنا
حالفين حتمـــاً ناخـــد التار
***
كل صباح ضَــيَّك بيفــوت
فرحان طــاير فى الملكوت
لِسّــاك واقف وسْط خواتك
عايش فينا ومش حتمــوت
***
فاكرين لسّة فطور رمضان
شاهـــد ، ســـامع كُــل أدان
واحنا فطرنا ف حضن ديارنا
وانت فطرت حدا الرحمن

للمزيد:

الوسوم

أسماء مصطفى

كاتبة صحفية تدرس اللغة العربية لها مجموعة من المقالات الفنية والثقافية المختلفة.. عضو جمعية مبدعى مصر ..
إغلاق