ابداعات أدبية

عيش لله شعر : نبيل مصيلحي

عيش لله  شعر : نبيل مصيلحي

 

ولا تشكي ولو هتموت لغير الله

ولو طالك قساوة الدنيا ما يهمك

ولو جار الصحاب جرحوا سقوك المر

قول الله

ما اهي الدنيا بتيجي تحط ع المظلوم

وتاخد منه ما تديه

باشوف الأخ ظالم اخوه

واشوف الإبن ضارب أبوه

واشوف البنت بتعامل أمها بقسوه

وفيه بعد اللي شوفته إيه

يا عالم قولِّي فين عقلك

نسيت ربك وبعت الدين بمال فاني

ورحمة كل اللي ماتوا يا عم

لا تسيبها وتطلع منها عريان

كما يوم ولدتك أمك

تسيب المال

لناس جايز يكون فتنه

تحط عليك

تسيب العزوه وتسيبك

تسد القبر وبتنساك

تسيب زوجتك

وما الجايز وبعد العده تتجوز

وينساك كل اللي كنت بتشقى علشانهم

وكالساقيه تلف تدور

تجيب القرش ويعلم بك إله الكون

جنيته منين

فلا صاحب يشيل عنك

ولا زوجه ولا أولاد

ولا خيَّك ولا حتى أبوك وامك

في يوم الحشر / بوم الدبن

فعيش لله وقدم كل شئ طيب

وكُل طيب

وقول طيب

وبالحسنى تعامل الناس

ولا تشكي ولو هتموت لغير الله

قد يعجبك أيضا:

بنت افكار بقلم: سميرة الاسريجى

طرحة امانيك .. شعر : محمد عبد القوى حسن

مسلسل حكايتي الحلقة الاخيرة

 

إغلاق