ابداعات أدبية

طرحة امانيك .. شعر : محمد عبد القوى حسن

طرحة امانيك .. شعر : محمد عبد القوى حسن

 

هواك
باﻻمانى يسيل
رضاك يحفظ الترتيل
غناك يفرط المنديل
من الترعه ومن الموايل
وشجرة حبنا الشاهده
على القصه
تعالى واحردى القصه
باشايله م القليب غصه
تعالى فرفطى السره
ياشافيه القلب م العله
انا ضله وانت القله على راسك
وانا الطمى العليل المروى بانفاسك
يطلع نبتتين هايمين
يغنوا ف حضرة الياسمين
تهفهف خصلتك ع العين
وتتطوح مع النسمه
الخفيفه الحالمه بالبسمه
امد اليد ارجعها
حدا القصه اللى محروده
ومصفوفه مع الروقان
فيحضر عرسنا الكروان
على نغمة موسيقى الزرع يتمايل
اعاين رى ارضى بشوق .
ارجعلك
جنينة ذوق
ونهر مﻻن بحنيه
محبه باﻻمانى تفيض
غناوى بتظبط المواعيد
تطل الفرحه من طرحه امانيك
اعبى القلب واجيك
فيحضنى هواك باﻻمانى يسيل

مواضيع اخرى:

الوسوم

أسماء مصطفى

كاتبة صحفية تدرس اللغة العربية لها مجموعة من المقالات الفنية والثقافية المختلفة.. عضو جمعية مبدعى مصر ..
إغلاق