موقع إخبارى شامل

شكلي اتجنيت كلمات : محمد عبد القوي حسن

شكلي اتجنيت
كلمات : محمد عبد القوي حسن
=-=-=-=-=-=-=-=
شفتك مريت زي النسمة
ورسمت ع الوش البسمة
ماعرفتش انك ياحبيبي
تاني احلويت
وانا عارف انك م الاول
اجمل مخلوق مابتتحول
عن حسن جمالك ودللاك
ياحبيبي ياريت
ترحم مجانين حب قوامك
بيضعفوا دايما قدامك
من حسن جمالك ودلالك
فبسرعة مشيت
ماقدرتش اقاوم نظراتك
او همسة بسمة نسماتك
ولا اقدر أوصف خطواتك
شكلي اتجنيت
مجنونك ايه يعني جنوي
كحلت بشوفتك ف جفوني
كان نفسي اخبيك في عيوني
عمري مالقيت
مثلك في الحسن وفي الايه
بصراحة جمالك داحكاية
لو اكتب عن وصفه رواية
برضوا ماكفيت
=-=-=-=-=-=-=-=-=-=-=
ملحوظة الاغنية جديدة لكنها محفوظة وممنوع تلحينا او اقتباسها الا بعد الرجوع للمؤلف اللي هو العبد لله .. علشان نقصر الطريق قدام لصوص الكلمات اللي انتشروا اليوم .. فقد تم توثيق القصيدة قبل نشرها .
صفحة الشاعر علي ويكيبيديا اضغط هنا
قد يهمك أيضا

التعليقات مغلقة.