ابداعات أدبية

شعراء العامية بمصر

شعراء العامية بمصر

الشاعر محمد عبد القوى حسن

من شعراء العامية المصرية

مؤسس مؤتمر شعر العامية بمصر

عضو اتحاد كتاب مصر

رئيس جمعية مبدعى مصر

شعراء العامية بمصر
شعراء العامية بمصر – الشاعر محمد عبدالقوى حسن

سهراية الخاينين

 

شعر : محمد عبد القوى حسن
————————
كل اللى كان فى البحر

مايجيش على قد هواك

وانا كنت واقف

عند حافة جهنم

تحت سطح الانتهاء م الكون

كانت بهيه بتحصد

زرع غيط الخونه فى امشير

زعابير بترمح فى كتاف الليل

ضى النهار نعسان

على ياقة قميصى

والبنت مخفيه فى عتمة ويل ومصير

مين اللى غرب مهجتك فى الوقت

مين اللى دبح العصفورين ع الجريد

نازل السعف من نهر دم العمر

هفهف عليك الحزن

واخدك قوى بالحضن

مين يكتبك للصحبه ساعة صفا

فى حضرة جميع الاوليا

فى السيده زينب

مين يسرقك من عيالك

ومين اللى لون قطن جولدمائير

مين اللى حمص قلب امى

وهى لسه بكر

مين يندهك تعاويز

مين فرفطك فى رحلة الابريز

مين وحدك فى الجوع

مهدود عمود بتاوك المتنى

مرويه حيطك من عطانة عملة الانجليز

السكه مطليه بصداع العصر

كل النخيل بيئن

كل الشجر ماعادش قادر يحن

لقعدة الفقرا

وحكايات سيدنا الخضر

فى العتمه طالعه الجيوش

ولا حد باح بالسر

ماتوحدوش النميمه

ماتوحدوش السل

فى درب خان الجميع

فى درب خان الكل

ماتحرروش الديابه

من جحور الشرق

الغرب ضرب فى قفا

والشرق باع الوفا

والبحر بيراود حوت بينهش فيك

بيتك عشتك

فرنك غربتك

سهراية الخاينين

وسيفك المتنى

شعراء العامية بمصر

وسيوف الخشب طوابير

اضرب ماتضربش

الضرب كله للورا

والطلقه راجعه عليك

ووابور الساعه اتناشر

لسه ماجاش م الصعيد

شعراء العامية بمصر

قد يعجبك أيضا:

لقطات من حفل تكريم الشاعر محمد عبد القوى حسن

جوانب من السيرة الذاتيه للشاعر / محمد عبد القوى حسن الحلقه الخامسة ( اولاد عبد القوى )

يوسف شريف رزق الله الناقد السينمائى فى ذمة الله

شعراء العامية بمصر

 

الوسوم

عبد الله محمد عبد القوى

مدير التحرير ..كاتب وشاعر مصرى ..صحفى بمجلة "مبدعو مصر"، عمل فى مجال الصحافة منذ كان عمره 12عاماًـ يكتب فى الجرائد الورقية والمجلات الالكترونية...عضو مجلس ادارة جمعية مبدعى مصر.
إغلاق